काठमाडौं, १७ पुष । नयाँ प्रतिभालाई प्रोत्साहन गर्ने उदेश्यले क्याडी इन्टरटेनमेन्टले विहीबार सार्वजनिक गरेको भिडियोमार्फत् डान्स कम्पिटिशनको आयोजना गरेको छ ।
अस्मिता अधिकारी र प्रणय क्याडी श्रेष्ठको स्वरमा सजिएको ‘तोरी पेली तेल’ गीतको कभर भिडियो बनाउनेमध्ये एउटा उत्कृष्ट भिडियोलाई डेढ लाख नगदसहित पुरस्कृत गरिने भएको छ ।
साथै उत्कृष्ट भिडियो बनाउने प्रतियोगीलाई एउटा म्यूजिक भिडियोमा काम गर्ने अवसरसमेत दिइने क्याडी इन्टरटेनमेन्टले जनाएको छ ।
क्याडी इन्टरटेनमेन्टको अफिसियल च्यानलबाट सार्वजनिक गरिएको गीतको भिडियोमा लोकप्रिय नायक नाजिर हुसेन र नायिका आँचल शर्माको गज्जब अभिनय रहेको छ । डान्सिङ शैलीमा तयार पारिएको गीतमा रोमान्टिक दृश्यले भिडियो हेर्ने जो–कोहीलाई छमछम नचाउनेछ ।
[embedded content]
प्रेम र रोमान्सका रमाइला पललाई कैद गरिएको गीतका शब्द शृजना र संगीत दीपक शर्माका हुन् । पछिल्लो पुस्ताका लोकप्रिय र ब्यस्त निर्देशक निकेश खड्काको निर्देशनमा तयार भएको यस गीतको भिडियोको सम्पादन कुशल सम्पादक विकाश धमलाले गरेका हुन् ।
सुबोल जोशीको कोरियोग्राफी रहेको गीतको भिडियोको छायांकन बुद्ध थापाले गरेका हुन् ।
यो समाचार नयुज २४ नेपालबाट लिईएको हो।
