काठमाडौं, १३ चैत । गीतकार राखी गौचनको मार्मिक शब्दमा ‘हे मन’ गीतको म्युजिक भिडियो सार्वजनिक भएको छ । हृदयस्पर्शी यस गीतलाई गायक शंकर थापा ‘स्माइल’ले स्वरबद्ध गरेका छन् ।
गायक थापा आफैले संगीतवद्ध गरेका यस गीतमा विश्व अधिकारीको संगीत संयोजन रहेको छ । पत्नी गुमाएको एक पुरुषको विक्षिप्त अवस्थालाई मार्मिक तरिकाले प्रस्तुत गरिएको म्युजिक भिडियोमा सुधीर श्रेष्ठ, सिर्जना जीसी र प्रनिमा दाहाल फिचर्ड छन् ।
भिडियोलाई उत्सव दाहालले छायांकन गरेका हुन् । भिडियोमा शिलन लम्सालको सम्पादन रहेको छ । डश म्युजिक नेपालको च्यानलमार्फत् सार्वजनिक गरिएको यस भिडियोलाई मुनाल शिशिर कोइरालाको निर्देशनमा तयार पारिएको हो ।
यो समाचार नयुज २४ नेपालबाट लिईएको हो।
