मुम्बई, १५ चैत । ६६औं फिल्मफेयर अवार्डमा दिवंगत अभिनेता इरफान खानले उत्कृष्ट अभिनेताको अवार्ड प्राप्त गरेका छन् । शनिबार साँझ मुम्बईमा आयोजित फिल्मफेयर अवार्डमा ‘अंग्रेजी मिडियम’ फिल्मबाट दिवंगत अभिनेता इरफानले उत्कृष्ट अभिनेताको अवार्ड प्राप्त गरेका हुन् ।
साथै, लाइफटाइम अचिभमेन्ट अवार्डबाट पनि दिवंगत अभिनेता इरफानलाई सम्मानित गरिएको छ । इरफानको उक्त अवार्ड लिनका लागि छोरा बाबिल खान स्टेजमा पुगेका थिए । त्यस्तै, उत्कृष्ट अभिनेत्रीको अवार्ड ‘थप्पड’ फिल्मबाट अभिनेत्री तापसी पन्नुले प्राप्त गरेकी छन् ।
त्यस्तै, थप्पड फिल्मले बेष्ट फिल्म, बेष्ट कहानी र इडिटिङको अवार्डपनि जितेको छ । ‘तानाजीःद अनसंग वारियर’ फिल्मबाट ओम राउतले उत्कृष्ट निर्देशकको अवार्ड प्राप्त गरेका छन् । त्यस्तै, ‘गुलाबो सिताबो’ फिल्मबाट उत्कृष्ट एक्टर (क्रिटिक्स)को अवार्ड अमिताभ बच्चनले प्राप्त गरेका छन् ।
उक्त अवार्ड समारोहमा तापसी पन्नु, आयुष्मान खुराना, सनी लियोनी, नोरा फतेही, रितेश देशमुख, राजकुमार रावलगायत कलाकारहरुको उल्लेख्य उपस्थिति रहेको थियो ।
यो समाचार नयुज २४ नेपालबाट लिईएको हो।
