काठमाडौं, १६ चैत । चलचित्र ‘मनसँग मन’को प्रदर्शन मिति पोष्टपोन्ड भएको छ । अभिनेता पुष्प खड्का र अभिनेत्री वर्षा सिवाकोटीको अभिनय रहको यस चलचित्रको प्रदर्शन मिति चैत्र २७ गतेलाई तोकिएको थियो ।
कोरोनाको केस बढ्न थालेपछि स्वास्थ्य मन्त्रालयले भिडभाड नगर्न आग्रह गरेको कारण सौरभ इन्टरटेन्मेन्ट र बालाली इन्टरटेन्मेन्टको ब्यानरमा निर्माण भएको चलचित्र ‘मनसँग मन’को प्रदर्शन मिति पोष्टपोन्ड गरिएको हो ।
चलचित्रको नयाँ मितिका लागि वितरकसँग सल्लाह भैरहेको जनाइएको छ । चलचित्र्रलाई कैलाश राइले निर्देशन गरेका छन् भने, अरुण तामाङको लगानी छ ।
चलचित्रमा सौरभ लामाको छायांकन, अर्जुन जीसीको सम्पादन, अर्जुन पोखरेल, दीपक शर्मा र अगोम गुरुङको संगीत, कमल राई र रामजी लामिछानेको नृत्य निर्देशन छ । यस्तै यस चलचित्रमा सन्तोष खवासको एक्सन छ ।
चलचित्रको फस्टलुक भने सार्वजनिक गरिएको छ । चलचित्रको फस्टलुकमा मुख्य कलाकारहरु नायक पुष्प खड्का र नायिका वर्षा सिवाकोटीलाई रोमान्टिक अवतारमा देखाइएको छ ।
यो चलचित्रमा वुद्दि तामाङ, चाँदनी प्रधान, महेन्द्र बागदास, सन्ते दाको पनि मुख्य भूमिका छ, भने चलचित्रको एक गीतमा नायक पल शाह र नायिका पूजा शर्माले नृत्य गरेका छन् ।
यो समाचार नयुज २४ नेपालबाट लिईएको हो।
