काठमाडौं, १७ चैत । मोडल एवं अभिनेत्री आकेशा विष्टले ६ वर्षपछि पुनः फिल्म क्षेत्रमा कमब्याक गर्ने भएकी छन् । सन् २०१५ मा निकेश खड्काको ‘जिन्दगी रक्स’बाट डेब्यू गरेकी अभिनेत्री आकेशाले ‘लाइफ इन एलए’मार्फत् पुनः फिल्म क्षेत्रमा कमब्याक गर्न लागेकी हुन् ।
डेब्यू फिल्म ‘जिन्दगी रक्स’को असफलतापछि अभिनेत्री आकेशा अमेरिका हानिएकी थिइन् । हाल उनी अमेरिकामै आफ्नो परिवारसँग बस्दै आएकी छन् ।
आकेशाको आगामी फिल्म ‘लाइफ इन एलए’को गत शुक्रबार मात्रै अमेरिकामा एक कार्यक्रमको आयोजना गरी औपचारिक घोषणा गरिएको हो ।
निर्माण पक्षका अनुसार यो फिल्मको छायाङ्कन अप्रिलको पहिलो साताबाट अमेरिकाको एलएबाट सुरु गरिनेछ ।
त्यस्तै, फिल्मको केही सिन नेपालको पोखरमा पनि छायाङ्कन गरिने निर्माण पक्षले जानकारी गराएको छ । यस फिल्ममा अमेरिकामा बसोबास गर्ने नेपालीहरुको संघर्षको कथा प्रस्तुत गरिनेछ ।
फिल्मलाई बाश इन्टरटेन्मेन्टको प्रस्तुतिमा सूर्य एन श्रेष्ठले एक्शन–कट गर्दैछन् । फिल्ममा आकेशा विष्ट, साम भुजेल, आयुष केसी, जरेद विल्लुप्स, बिशाल ढकाललगायतको मुख्य भूमिका रहनेछ ।
यो समाचार नयुज २४ नेपालबाट लिईएको हो।
