काठमाडौं । गायक निशान भट्टराईको आवाजमा नयाँ गीत ‘गाजल लिपिक्कै’ रिलिज भएको छ । ‘चट्ट कपाल कोरेर’ र ‘माया पलायो’ गीत सार्वजनिक गरेको केही समयपछि धनकुटा खबरले नृत्यमा आधारित ‘गाजल लिपिक्कै’ पनि रिलिज गरेको हो ।
उक्त गीतको भिडियोलाई संसारीमाई सिमसार क्षेत्र पाख्रीबास तालतलैयास्थित ह्याङआउट हलमा छायाङ्कन गरिएको प्रोडक्सन म्यानेजर मोहन राईले जानकारी दिए । त्यस्तै, यस गीतको रिङब्याक टोनका लागि सीआरबीटी र पीआरबीटीसमेत एक्टिभ गरिसकिएको प्रोडक्सन म्यानेजर राईले जानकारी दिए ।
सञ्चारकर्मी समेत रहेका धनकुटाको पाख्रीबासका विष्णु विक्रम निरौलाको शब्द, सम्पादन र निर्देशन रहेको उक्त गीतलाई एमके निरौलाले संगीतबद्ध गरेका छन् । साथै, उक्त गीतमा विशाल निरौलाको एरेञ्ज र मिक्सिङ रहेको छ, भने रेकर्डिङको काम रञ्जन राईले गरेका छन् ।
सार्वजनिक गीतको भिडियोमा सुमन योगी, मोडन सिम्रन कार्की, नुमाफुङ लिम्बु, आस्था भुजेलको दमदार अभिनय रहेको छ । त्यस्तै, गीतको भिडियोमा करुणा लिम्वु, सुजन राई, पुष्पराज तामाङ, स्वीकृती योगी र अभिशेक लिम्बुको पनि अभिनय रहेको छ ।
प्रनेश राई (यात्री ब्रोज)ले क्यामेरामा कैद गरेका भिडियोमा सुमन योगीको नृत्य निर्देशन रहेको छ । अघिल्ला गीतहरुलाई जस्तै यस गीतलाई पनि दर्शक र श्रोताले सकारात्मक प्रतिक्रिया दिने उत्पादक टिमले अपेक्षा गरेको छ ।
यो समाचार नयुज २४ नेपालबाट लिईएको हो।
