काठमाडौं । ‘कुरा काट्ने मान्छेले काटुन्’ गीतका गायक सुभाष पुरीको स्वर रहेको नयाँ गीत ‘बजाई देउ’को म्युजिक भिडियो सार्वजनिक भएको छ ।
गायक पुरीकै शब्द सिर्जना रहेको गीतमा गायक पुरीलाई पछिल्लो समयकी चर्चित गायिका समिक्षा अधिकारीले साथ दिएकी छन् । बबुल गिरीको संगीत, एरेन्ज र मिक्सिङ मास्टरिङ रहेको गीत अछामका रमणीय स्थानहरुमा छायांकन गरिएको हो ।
जहाँ बैशालु उमेरका एक जोडीले जानी÷नजानी लगाएको प्रेम कहानीलाई देखाइएको छ । भिडियोमा मोडल जेबी चिरन चिरञ्जिबी सापकोटा र अञ्जना राउत गज्जबसँग खुलेका छन् । प्रेम र रोमान्सले भरिएको यो रमाइलो प्रेम गाथालाई पछिल्लो समयका चर्चित निर्देशक गौरब गिरीले निर्देशन गरेका हुन् ।
काठमाडौँ उपत्यका बाहिर गएर रमाइला र नयाँ लोकेशनमा भिडियो छायांकन गर्न रुचाउने निर्देशक गिरीको धेरैले प्रशंसा गर्ने गरेका छन् । सुदूरपश्चिमको रमाइलो प्रेम गाथालाई देखाइएको भिडियोको छायांकन बसन्त कुँवरले गरेका हुन् भने सम्पादन बलभद्र कुँवरले गरेका हुन् ।
यो समाचार नयुज २४ नेपालबाट लिईएको हो।
