काठमाडौं । कार्तिक आर्यन र कियारा आडवाणीको फिःम ‘भूल भुलैया २’ को ट्रेलर सार्वजनिक भएको छ । फिल्मको सार्वजनिक ट्रेलर दर्शकहरुले निकै रुचाइरहेका छन् । राजपाल यादवले फेरि एकपटक आफ्नो कमेडीमा धेरै टेम्पर थपेका छन् ।
फिल्मको सार्वजनिक ट्रेलरमा कार्तिक आर्यन तान्त्रिकको भूमिकामा देखिएका छन्, जसले आफूले भूत देख्न सक्छु भनेर दाबी गरेका छन् । त्यसपछि उनको सामना मन्जुलिका नामक खतरनाक आत्मासँग हुन्छ । योसँगै ट्रेलरमा कियारा र कार्तिकबीच रोमान्स पनि देख्न सकिन्छ । यस फिल्ममा तब्बु पनि महत्वपूर्ण भूमिकामा छन्, जसको झलक ट्रेलरमा देख्न सकिन्छ ।
फिल्म ‘भूल भुलैया २’ को ट्रेलरमा मञ्जुलिका कियारा आडवाणी भित्र पसेर पूरै घरमा अराजकता मच्चाएको देख्न सकिन्छ । राजपाल यादवका संवादहरू गुदगुदी गरिरहेका छन् । उनको पण्डित लुकले सबैलाई मनोरञ्जन दिएको छ ।
फिल्म ‘भुल भुलैया २’लाई अनीस बज्मीले निर्देशन गरेका हुन् । फिल्मको संवाद फरहाद सामजी र आकाश कौशिकले संयुक्त रुपमा लेखेका हुन् । यो सन् २००७ मा रिलिज भएको अक्षय कुमारको सुपरहिट फिल्म ‘भूल भुलैया’ को सिक्वेल हो ।
फिल्मलाई भूषण कुमार, कृष्ण कुमार, मुराद खेतानी र अन्जुम खेतानीले संयुक्त रूपमा निर्माण गरेका हुन् । यो फिल्म २० मे २०२२ बाट हलहरूमा रिलिज हुने बताइएको छ ।
यो समाचार नयुज २४ नेपालबाट लिईएको हो।
