काठमाडौं । फिल्म ‘म’को ट्रेलर सार्वजनिक भएको छ । विहीबार काठमाडौंमा एक कार्यक्रमबीच ट्रेलर सार्वजनिक गरिएको हो । कान्तिपुर फिल्म एकेडेमीले निर्माण गरेको फिल्ममा निराजन प्रधान, सरोज खनाल, निशा अधिकारी, रुविना थापा, सरिता लामिछाने, सविन श्रेष्ठ, संजोग रासाइलीलगायतका कालकारको अभिनय छ ।
प्रकाश पुरीको कथा, पटकथा रहेको फिल्मको निर्देशन सुवर्ण थापाले गरेका हुन् । कार्यक्रममा बोल्दै अभिनेता सरोज खनालले सुवर्ण थापा निर्देशित फिल्ममा अभिनय गर्न पाउनु आफ्नो लागि अवसर भएको बताए । निर्देशक थापाले बनाएको सर्ट फिल्म मलामीजत्तिको सिनेमा अहिलेसम्म नेपालमा नबनेको दाबीसमेत गरे ।
त्यस्तै कार्यक्रममा नायक निराजन प्रधानले ‘म’ फिल्ममा काम गर्न पाउँदा खुशी लागेको बताए । त्यस्तै ट्रेलर हेर्न पुगेकी नायिका सुरक्षा पन्तले फिल्मले सफलता पाउने विश्वास व्यक्त गरिन् ।
आफ्नो अस्तित्वको खोजिको कथा भन्ने फिल्म ममा निराजन, सरोज, निशा, रुविना, सरिता, सविन, संजोगसँगै पुनम श्रेष्ठ, गीत विष्ट, विमल पुरी, सुरज विष्ट, सुवास पौडेल, सुप्रज्ञा शर्मा, अजित रेग्मी, सम्राट क्षेत्री, जेम्स अधिकारी, विवेक कुँवर र अमोद भट्टलगायतका कलाकाहरु पनि रहेका छन् । फिल्म साउन २० गतेबाट दर्शकमाझ प्रदर्शनमा आउँदैछ ।
यो समाचार नयुज २४ नेपालबाट लिईएको हो।
