काठमाडौं । बलिउड अभिनेता रणवीर सिंहको नग्न (नेकेड) फोटोसुटले सामाजिक सञ्जालमा हंगामा मच्चाएको छ । त्यस्तै अर्का एक अभिनेताले रणवीर सिंहको यो स्टाइल नक्कल गर्दै आफ्नो नग्न फोटोसुटको तस्वीर सामाजिक सञ्जालमा सेयर गरेका छन् । उनी तमिल स्टार विष्णु विशाल प्रसिद्ध पूर्व ब्याडमिन्टन खेलाडी ज्वाला गुट्टाका श्रीमान हुन् । अझ चाखलाग्दो कुरा के छ भने विष्णु विशालका उक्त नग्न तस्विरहरू ज्वाला गुट्टाले क्लिक गरेकी हुन् ।
बिना कपडा बेडरुममा सुतेका विष्णु विशालले आफ्नो नग्न तस्विरहरू इन्स्टाग्राममा सेयर गर्दै आफू यो ट्रेन्डमा सामेल भएको लेखेका छन् । अभिनेताले लेखेका छन्, ‘ट्रेन्डमा सामेल हुँदै । लगभग… फोटो क्रेडिट, जब श्रीमती ज्वाला गुट्टा फोटोग्राफर बनिन् ।’
तमिल स्टार विष्णु विशालका उक्त तस्विरहरु अहिले सोसल मिडियामा भाइरल भइरहेका छन् । फिल्म स्टारका फ्यानहरूले उनलाई सामाजिक सञ्जालमा चर्को ट्रोल गरिरहेका छन् । एक इन्टरनेट प्रयोगकर्ताले अभिनेताका यी तस्वीरमा कमेन्ट गर्दै तत्कालै डिलिट गरिदिनु पर्ने लेखेका छन् ।
उक्त तस्वीरहरुले उनको इज्जत घटाएको उनको भनाइ छ । त्यसैले एक इन्टरनेट प्रयोगकर्ताले अभिनेतालाई यो प्रवृत्तिबाट टाढा रहन सल्लाह दिएका छन् । जबकि एक इन्टरनेट प्रयोगकर्ताले कलाकारबाट यस्तो अपेक्षा नगरेको लेखेका छन् ।
विष्णु विशाल र ज्वाला गुट्टाको जोडी निकै लोकप्रिय छ । दुबैले एकअर्कासँग बिताएका सुन्दर पलका तस्वीरहरू फ्यानसँग सेयर गर्दै आएका छन् । केही दिन अगाडि मात्रै अभिनेता रणवीर सिंहले नग्न फोटोशूट गरेका थिए । रणवीर सिंहका नग्न तस्वीरहरु सोसल मिडियामा भाइरल बनिरहेका छन् ।
यो समाचार नयुज २४ नेपालबाट लिईएको हो।
