काठमाडौं । बलिउडका महानायक अर्थात् ‘बिग बी’ अमिताभ बच्चनलाई कोरोना संक्रमण भएको छ । अहिले उनी आइसोलेशनमा उपचाररत छन् । आइसोलेशनमा रहेका बिग बीले आफ्नो पुरानो समयलाई सम्झँदै आफ्नो पुरानो तस्बिर सेयर गरेका छन् ।
तस्वीरसँगै उनले क्याप्शन लेखेका छन्, ‘कोरोना आइसोलेसनमा मानिसले के गर्छ ? विगतका पाना हेरेर यो थाहा पाउँछ, यो तस्वीर पेरिसको पोम्पिडाउ सेन्टरमा भएको भारतीय महोत्सवको क्रममा प्रसिद्ध हाकोर्ट स्टुडियोले खिचेको हो । यो तस्वीरले अरू धेरैको बीचमा पनि यसको उपस्थिति महसुस गराउँदछ । महान सम्मान, नम्र अनुभव ।’
गत साता मात्रै बिग बीले आफ्नो स्वास्थ्यको बारेमा एक अपडेट साझा गर्दै आफूलाई कोरोना भाइरसको संक्रमण भएको खुलासा गरेका थिए । उनले लेखेका थिए, ‘अहिले म कोभिडको चपेटामा छु ।’
अमिताभको आगामी फिल्म आयन मुखर्जीको ‘ब्रह्मास्त्र’ हो । फिल्ममा उनीसँगै आलिया भट्ट र रणवीर कपूर पनि देखिनेछन् । यससँगै उनी दीपिका पादुकोणसँग हलिउड फिल्म द इन्टर्नको रिमेकमा पनि देखिनेछन् ।
बिग बी अन्तिम पटक नागराज मंजुलेको झुण्डमा देखिएका थिए, जसलाई राम्रै प्रतिक्रिया मिलेको थियो । त्यस्तै उनका आगामी प्रोजेक्टहरूमा प्रभास र दीपिका पादुकोणसँग विकास बहलको अलविदा, उन्चाई र नाग अश्विनसँगको परियोजनाहरू समावेश छन् ।
यो समाचार नयुज २४ नेपालबाट लिईएको हो।
