काठमाडौँ । करिब १८ वर्ष पहिले बनेको चलचित्र ‘कर्तव्य’मा समाविष्ट गीत ‘बादल वर्षा बिजुली’ पुनः नयाँ भर्सनमा आएको छ ।
पछिल्लो समय टिकटकमार्फत पुनः चर्चामा आएको गीत ‘भाईरल’ भएसँगै युट्युब लगायतका विभिन्न प्लाटफर्ममा करोडौँपटक हेरिएको छ । यसले पुनर्जीवन पाएपछि यसका सर्जकहरू नयाँ भर्सनमा सार्वजनिक गर्न हौसिएका हुन् ।
गीतलाई पुनःरेकर्ड गरी बनाईएको म्यूजिक भिडियो सोमबार एक कार्यक्रममाझ सार्वजनिक गरिएको छ । गीतको एरेन्ज पनि पुनः गरिएको छ । पुरानो गीतमा फणिन्द्र राईले एरेन्ज गरेका थिए भने नयाँमा उदयराज पौडेलले गरेका छन् ।
पहिलेकै गायक आनन्द कार्की र प्राश्ना शाक्यले गीतमा पुनः स्वर भरेका छन् । भिडियोको निर्देशन सुब्रत आचार्यले गरेका छन् भने भिडियोमा विजु पार्की र कबिता नेपालीले अभिनय गरेका छन् ।
[embedded content]
यो समाचार नयुज २४ नेपालबाट लिईएको हो।
