काठमाडौं । अभिनेत्री कंगना रनौत र राजकुमार रावको फिल्म ‘जजमेन्टल है क्या’को ट्रेलर सार्वजनिक भएको छ । सार्वजनिक भएको फिल्मको ट्रेलर अनुसार यस मर्डर मिस्ट्रीले बक्स अफिसमा कमाल गर्नसक्नेछ । सार्वजनिक हुने वित्तिकै यस फिल्मको ट्रेलरले युट्युवको ट्रेन्डिङ लिस्टलाई कब्जा जमाइसकेको छ ।
कंगना र राजकुमार रावको यो फिल्म साइकोलोजिकल थ्रिलर हो । फिल्मलाई टलिउडका चर्चित निर्देशक प्रकाश कोवेलामुदीले निर्देशन गरेका हुन् । उनले निर्देशन गरेका फिल्म ‘साइज जिरो’ले नेशनल अवार्ड समेत पाइसकेको छ । ‘जजमेन्टल है क्या’ फिल्मको निर्माण पक्षले आफ्नो सोसल मिडिया अकाउन्टमा ट्रेलर सेयर गरेको छ ।
पछिल्लो समय विवादमा फसेको यो फिल्मको नाम पनि परिवर्तन गरिएको छ । यति मात्रै नभई ट्रेलर हेरिसकेपछि सबैले यो फिल्म सुपरहिट हुने बताइरहेका छन् । कंगना र राजकुमार रावको यस फिल्मले बक्स अफिसमा कमाल गर्ने सबैले आँकलन गरिरहेका छन् ।
‘क्वीन’ पछिको राजकुमार राव र कंगनाको यो दोस्रो फिल्म हो । यो फिल्म २६ जुलाईबाट दर्शकमाझ रिलिजमा आउँदैछ ।
यो समाचार नयुज २४ नेपालबाट लिईएको हो।
