काठमाडौं । बलिउडका एक्शन अभिनेता अक्षय कुमारको फिल्म ‘हाउसफुल–४’ले बक्स अफिसमा उत्कृष्ट कमाई गरिरहरेको छ । ‘ओपनिङ-डे’मा यो फिल्मले १९ करोडको ब्यापार गर्दै सुखद कलेक्शनको सुरुवात गरेको गरेको थियो ।
रिलिजमा आएको चौथो दिन यो फिल्मले बक्स अफिसमा उत्कृष्ट कमाई गर्न सफल बनेको छ । यस कमेडी फिल्मले सोमबारका दिन मात्रै ३४.५६ करोडको बक्स अफिस कलेक्शन गर्न सफल बनेको छ ।
ट्रेड एनालिस्ट तरण आदर्शले फिल्मको कमाईको आँकडालाई ट्वीट गर्दै लेखेका छन्–‘हाउसफुल–४ ले चौथो दिन बक्स अफिसमा उत्कृष्ट कमाई गरेको छ । नेशनल होलिडे भएको कारण फिल्मको कमाई ह्वात्तै बढेको छ । अघिल्लो तीन दिन भन्दा पनि चौथो (सोमबार)को कमाई उक्तृष्ट छ । फिल्मले शुक्रबार १९.०८ करोड, शनिबार १८.८१ करोड, आइतबार १५.३३ र सोमबार ३४.५६ करोडको ब्यापार गरेको छ । चार दिनमा अक्षय कुमारको यस फिल्मले कुल कलेक्शन ८७.७८ करोड गरेको छ ।’
अक्षय कुमार, बाबी देओल, रितेश देशमुख लगाएतको मुख्य भूमिका रहेको यो फिल्मले क्रिटिक्सहरुबाट नेगेटिभ रिभ्यू पाएको थियो ।
यो समाचार नयुज २४ नेपालबाट लिईएको हो।
