बलिउडका पर्फेक्सनिस्ट अभिनेता आमिर खानको मस्ट अवेटेड आगामी फिल्म ‘लाल सिंह चड्डा’को मोशन पोस्टर रिलिज भएको छ । अभिनेता खानले आफ्नो ट्वीटर अकाउन्टमार्फत ‘लाल सिंह चड्डा’को मोशन पोस्टर सार्वजनिक गरेका हुन् ।
मोशन पोस्टरमा ‘क्या पत्ता हम, मे है कहानी, ये है कहानी मे हम’ गीतको म्युजिक प्ले गरिएको छ, भने नीलो आकाशमा सेतो बादललाई आकर्षक रुपमा प्रस्तुत गरिएको छ । साथमा सेतो प्वाँखले सेतै कलरमा ‘लाल सिंह चड्डा’ लेखेको दृश्यलाई पनि आकर्षक रुपमा प्रस्तुत गरिएको छ ।
अभिनेता खानले २०२० को क्रिष्टमसमा यो फिल्मलाई दर्शकमाझ रिलिज गरिने जानकारी गराएका छन् । आमिरको ‘लाल सिंह चड्डा’ हलिउड फिल्म फरेस्ट गम्पको अफिसियल रिमेक हो ।
यो फिल्ममा अभिनेता खानको अपोजिटमा अभिनेत्री करिना कपुर देखिदैछन् । आमिरले आफ्नो जन्मदिनको अवसरमा यो फिल्म निर्माणको घोषणा गरेका थिए ।
यो समाचार नयुज २४ नेपालबाट लिईएको हो।
