काठमाडौं, १६ मंसिर । गायक तथा संगीतकार हरि लम्साल र मेलिना राईको स्वरमा तयार भएको ‘सुनन’ गीतको म्युजिक भिडियो सार्वजनिक भएको छ । ‘परानै दिन्छु’को भाग–२ का रुपमा तयार पारिएको ‘सुनन’मा प्रलाद शाहको शब्द तथा हरि लम्साल संगीतको रहेको छ ।
सार्वजनिक गीतको भिडियोमा ब्यस्त तथा चर्चित अभिनेता दयाहाङ राई र अभिनेत्री लक्ष्मी बर्देवाको अभिनय रहेको छ, जहाँ पहिलो प्रेमको सुरुवाती कथालाई प्रस्तुत गरिएको छ ।
गाउँघर, उकाली ओराली गर्दै मिलको रुपमा रहेको पानी घट्टमा अन्न लिएर पिस्न जाँदा युवा युवतीबीच एक अर्काप्रति आकर्षित भएको प्रेम कथालाई भिडियोमा कलात्मक तरिकाले देखाइएको छ ।
काभ्रेको पनौती नगरपालिकाको कुशादेवी भन्ने स्थानमा छायांकन गरिएको भिडियोले नेपाली ग्रामिण परिवेशमा पनि जिन्दगी जिउँदै प्रेम सम्बन्धमा रमाउनेहरुको कथामा दया र लक्ष्मीको जोडी निकै सुहाएको छ ।
निकेश खड्काले निर्देशन गरेको भिडियोको छायांकन उत्तम हुमागाईले गरेका हुन्, भने सम्पादन विकाश धमलाले गरेका हुन् ।
[embedded content]
निर्देशक धमला पछिल्लो पछिल्लो समयका ब्यस्त र उत्कृष्ट सम्पादन गर्ने निर्देशकका रुपमा पनि परिचित छन् । मिक्सिङ तथा मास्टरि प्रकाश मिश्रको रहेको गीतको भिडियो टुवेल्भ नोट्सबाट बजारमा आएको हो ।
यो समाचार नयुज २४ नेपालबाट लिईएको हो।
